17 қазан, 2024
Елорда соты Салтанат Нүкенованы өлтіргені үшін сотталған Қуандық Бишімбаевтың жазасын жеңілдету үшін 100 миллион теңгеге көмектесуді ұсынған әйелге қатысты істі қарап жатыр, - деп хабарлайды Kznews.kz тілшісі.
Биыл маусымда елорда тұрғыны бұрынғы ұлттық экономика министрі Қуандық Бишімбаевтың үкімін жеңілдету сылтауымен алдау арқылы 100 миллион теңге иеленді деп күдікке ілінді. Кейінірек экс-министрдің адвокаттары оқиғаның егжей-тегжейін айтты. Қорғаушылардың айтуынша, күдікті жасанды ақшаны алу кезінде ұсталған.
Кейін Сыбайлас жемқорлыққа қарсы қызмет Бишімбаевтың туыстарының өтініші бойынша әйелге қатысты тергеуді бастады. Биылғы тамызда Астана тұрғынына қатысты істі тергеу аяқталды.
Бүгін Астана сотында жарыссөз басталды.
