Бүгін, 08:24
Қазақстан әйелдер құрамасының шахматтан көшбасшысы Бибісара Асаубаева Үндістанның Бангалор қаласында өтіп жатқан Tech Mahindra Global Chess League-2026 командалық турнирінің тоғызыншы турында жеңіске жетті, деп хабарлайды kznews.kz.
FYERS American Gambits командасының сапында өнер көрсетіп жүрген қазақстандық шахматшы Бибісара Асаубаева Үндістан өкілі Дивья Дешмухпен кездесті.
Бибісара қарсыласын 4:0 есебімен түрде жеңді.
Осылайша, Бибісараның еншісінде екі жеңіс, төрт тең ойын және үш жеңіліс бар.
Тоғыз турдан кейін FYERS American Gambits командасы турнир кестесінде үшінші орында келеді.
Global Chess League-2026 турнирінің жалпы жүлде қоры – 1 миллион доллар, яғни 454 миллион теңге. Турнир Үндістанда 13 қыркүйекке дейін жалғасады.
Айта кетейік, кеше Бибісара ресейлік Полина Шуваловамен кездесіп, алғашқы ойында алған жеңілісі үшін 3:0 есебімен реванш алды. Осылайша, турнирде алғаш рет жеңді.
