Бүгін, 10:03
Дағыстан Республикасының Дербент қаласында екі жасар қыздың мәйіті бесікарбадан табылды, деп хабарлайды kznews.kz.
Алдын ала мәлімет бойынша, бала аштық пен ағзаның қатты әлсіреуінен көз жұмған болуы мүмкін. Оқиға Агасиев даңғылында, «Северный» автовокзалы маңында болған. Құқық қорғау органдары жергілікті тұрғынды құжат тексеру үшін тоқтатқан кезде, бесікарбаның ішінде қозғалыссыз жатқан баланы байқаған.
Республикалық Тергеу комитеті қыздың анасы ұсталғанын және қылмыстық іс қозғалғанын мәлімдеді. Өлімнің нақты себебін анықтау үшін сот-медициналық сараптама тағайындалды.
Қазіргі уақытта тергеу амалдары жүргізіліп жатыр. Құзырлы органдар отбасының әлеуметтік жағдайын және оқиғаның барлық мән-жайын тексеруде. Сараптама қорытындысынан кейін құқықтық баға беріледі.
