Бүгін, 16:36
Журналист Жарылқап Қалыбай Мұхтар Шахановтың ақырғы аманатына қатысты пікір білдіріп, "аманатқа қиянат жасамауға" шақырды, деп хабарлайды kznews.kz.
"Ол кісі Өзбекәлі Жәнібековтің жанына жатқысы келді. Ауылдың бір шетіне жерлеу аманатқа қиянат болады", – дейді Жарылқап Қалыбай.
Бұған дейін ақынның жары Ханшайым Шаханова хат жазып, Мұхтар Шахановты Арыстан баб кесенесінің аумағына жерлеуді сұраған. Ханшайым Шаханова бұл әрекетін "Ақынның ақырғы аманаты" деп түсіндірген.
Кейін Мұхтар Шаханов Арыстан баб кесенесінің аумағына емес, кесене маңындағы Қоғам ауылдық зиратына жерленетіні белгілі болды.
