Екі күн бұрын іздеу жарияланған танымал қазақстандық блогер Қайсар Қамза әлеуметтік желідегі парақшасына жаңа сурет жүктеді, деп хабарлайды kznews.kz.
Блогер суретте тамақтанып отырған сәтін көрсетті. Кей кадрдан оның алкогольдік сусын ішіп отырғанын байқауға болады.
Постында Қайсар Қамза қысқа ғана «Бәрі жақсы»деген жазба қалдырған.
Әлеуметтік желі қолданушылары бұл жаңалыққа әртүрлі пікір білдірді. Кейбіреулер блогердің әрекетін қолдап, қалжыңмен қабылдаса, басқалары оның іздеу жарияланғаннан кейін осындай қылық танытуын сынға алды.
Еске салсақ, Қайсар Қамзаға қатысты іздеу Қаржылық мониторинг агенттігінің ақпаратында тіркелген, блогердің онлайн құмар ойындарын жарнамалауға қатысы болуы мүмкін деп хабарланған болатын.
