12 желтоқсан, 2025
"KEZDESU" бағдарламасының қонағы болған Бақыт Тұрман Мөлдір Мұқанның фильміне қатысты айтқан сыны төңірегіндегі даудың мән-жайын түсіндіріп, көпшіліктің назарын аудартқан сұраққа жауап берді, деп жазады ozgeris.info.
Бағдарлама барысында әнші өзін сынап жатқан пікірлерге тоқталып, ешкімді әдейі ренжітуді мақсат етпегенін айтты.
"Мен ештеңе бүлдірген жоқпын. Ұятсыздық жасап, көпшілік қарғайтындай жағдай да емес. Тек кино туралы өзімнің жеке пікірімді білдірдім. Сол сыннан кейін ертеңінде-ақ Мөлдір ханым өзі маған директке жазды. Өз қателіктерін мойындап, түсіністік танытты", – деді Бақыт Тұрман.
Әнші сонымен бірге әр сөзі үшін жеке өзі жауап бере алатынын атап өтті:
"Мен айтқан сөзіме өзім жауап беремін. Мен үшін біреудің қорғаны болып, ақталып жатуының қажеті жоқ", – деді ол.
