12 мамыр, 2020
Коронавирустың ошағы болған Қытайдың Хубэй провинциясындағы Уханьнің жедел штабы он күн ішінде қалада жаңа жұқтыру жағдайлары анықталғаннан кейін барлық тұрғындарға COVID-19 бойынша скрининг жүргізуге нұсқау берді, деп хабарлайды Stan.kz ақпарат агенттігі.
Ухань тұрғындарының барлығын тестілеуге қала билігі тапсырыс берген, деп жазды қытайлық Pengpai басылымы. Хабарлауынша, нуклеин қышқылдарын қолдану арқылы тестілеу 10 күн ішінде жүргізілуі тиіс, бұл туралы билік барлық жергілікті басқару органдарын ескерткен. Бұл шара жексенбіде COVID-19 коронавирусының таралу эпицентрі саналатын Ухань қаласында жұқтырудың жаңа жағдайының анықталғанымен байланысты, бұл туралы провинциялық денсаулық сақтау комитеті хабарлады.
Бір күн бұрын 3 сәуірден бастап қалада алғаш рет коронавирус жұқтырған адам анықталды, науқастың жағдайы - ауыр. Бүгін таңертеңгі жағдай бойынша Уханьде белсенді түрде жұқтырғандар саны алты адамға жетті. Олардың бәрі ауруханаға жатқызылды. Сонымен қатар, коронавирустың анықталған симптомсыз тасымалдаушыларының саны 11 адамға артты.
Қытай вирусологтарының сөзінше, симптомсыз жұқтырғандар қауіпті болады, өйткені олар коронавирус пневмониясының жаңа көзі болуы мүмкін.
stan.kz
