Бүгін, 11:55
2026 жылы зауытта жалпы ауданы 27 310 шаршы метр шатыр жабынын жөндеу жоспарланған. Бүгінгі таңда 16 871 шаршы метр шатыр жаңартылды.
«Kazakhmys Smelting» ЖШС Балқаш мыс балқыту зауытында өндірістік ғимараттардың шатырын жөндеу жұмысы жалғасуда. Жұмыс өндірістік нысандардың сенімділігін арттыруға және еңбек қауіпсіздігін қамтамасыз етуге бағытталған кәсіпорын инфрақұрылымын жаңғырту бағдарламасы аясында жүргізілуде, деп хабарлайды kznews.kz
Бұл жоспарланған жалпы көлемнің шамамен 62%-ын құрайды.
Негізгі нысандардың бірі – мыс балқыту цехы. Мұнда жоспарланған 4 868 шаршы метр шатыр жабынының 2 642 шаршы метрі жөнделді. Бұл жалпы көлемнің 54%-дан астамын құрайды. Қалған учаскелерде жұмыс жалғасуда.
Шатырды жаңарту құрылыс құрылымының зақымдану қаупін азайтуға, ғимараттардың сенімділігін арттыруға және жұмыскерлердің еңбек жағдайын жақсартуға мүмкіндік береді.
2026 жылы Балқаш өндірістік алаңындағы ғимараттар мен құрылыстарды жөндеуге жалпы сомасы 3,74 млрд теңге қарастырылған. Бағдарлама мыс балқыту өндірісін, мыс электролизі цехын, бағалы металдар мен күкірт қышқылы цехтарын, шихта дайындау цехын және кәсіпорынның өзге де бөлімшелерін қамтиды.
Өндірістік инфрақұрылымды жөндеу – ғимараттар мен құрылыстардың техникалық жай-күйін сақтауға, пайдалану мерзімін ұзартуға және қауіпсіз еңбек жағдайын қамтамасыз етуге бағытталған «Қазақмыс» компаниясының кешенді бағдарламасының бір бөлігі.
