Бүгін, 09:22
Салтанат Нүкенованың өліміне байланысты қылмыстық іс аясында сотталған Бақытжан Байжановқа шығарылған үкім қайта қаралатын болды, деп хабарлайды kznews.kz.
Кассациялық соттар департаментінің мәліметіне сәйкес, аталған іс қазіргі уақытта сот өндірісінде қаралып жатыр. Қорғаушылардың шағымдары негізінде Астана қаласының мамандандырылған ауданаралық қылмыстық сотынан Бақытжан Байжанов пен Қуандық Бишімбаевқа қатысты барлық іс материалдары сұратылған.
Ресми ақпаратта Байжановқа қатысты сот актілері қайта қаралатыны айтылған. Ал Бишімбаев тарапынан немесе оның қорғаушыларынан кассациялық шағым түспегені нақтыланды.
Сот отырысы 2026 жылғы 14 мамырға жоспарланған.
Айта кетейік, бұған дейін Бақытжан Байжановтың жаза мерзімі амнистияға байланысты қысқартылған еді. Соның нәтижесінде оның өтелмеген жаза мерзімі 1 жыл 4 ай 17 күн болып белгіленген.
