Марқұм актер Асанәлі Әшімовтің жары Бағдат Әшімова әлеуметтік желіде сағынышқа толы жазбамен бірге видео бөлісті. Ол жұбайын жоқтап, жүрек сырын көпшілікке жеткізді, деп хабарлайды Kznews.kz.
Жарияланған видеода Бағдат ханым марқұм жарына деген сағынышын жасырмай, көңіл күйін қысқа ғана сөзге сыйғызған. Ол жазбасында: «Сағыныш. Жүрек сыздайды. Жарқын жүзін сағындым. Алла пейіш төрінен орын бер», – деп марқұмға дұға тілеген. Пост көп ұзамай желіде тарап, жұрттың жанын елжіретті.
Айта кетейік, Асанәлі Әшімов 2025 жылғы 21 желтоқсанда 89 жасында дүниеден өткен еді. Қаралы хабардан кейін ел ішінде оның өнері мен өмірлік жолына қатысты естеліктер жиі айтылып, мемлекет басшысы да отбасы мен жақындарына көңіл айту жеделхатын жолдаған болатын.
