4 маусым, 2025
Актриса Нұргүл Мыңғатова "Келінжан" фильмінің кезекті түсірілім кезінде маңдайын темір бағанға соғып, жарақат алды. Бұл туралы Kznews.kz ақпарат агенттігі хабарлайды.
Алайда ол оқыс жағдайға қарамастан түсірілмді жалғастыруға бел буған. Ал оның айналасындағы әріптестері тоңаызтқышта тұрған етті әкеліп, шекесіне басқан. Тісін тексеріп, отпен аластаған.
"Қауғалақтап жүріп трубаға соғылған ғой. Осы "Келінжанды" аман-есен бітірейікші", – деп жазды фильмнің продюсері Гүлнұр Мамасарипова әлеуметтік желіде.
Көпшілікке “Күлімхан апа” атымен танылған актриса Лейло Бекназар-Ханинга жарақат алған “келініне” мұз басып, отпен аластады.
“Отпен аластау дәстүрін көріп, қуанып қалдым”, “Режиссер Балқияның жылайтын сахнасын түсіріп алып жатыр”, “Алдында тұрғанды байқамай қалып, маңдайын соғып алды-ау”, “Үйдегі шкафқа күн сайын шекемді ұрамын. Миым таңдайыма түседі”, – деп жазды көпшілік.
Еске салайық, қоғам белсенділері қазақ киносындағы әйелді ылғи ұрысқақ, долы, толықетіп көрсететінін талқылаған еді.
