Бүгін, 10:00
Әзербайжан президенті Ильхам Әлиев Түркия астанасы Анкарада өтетін Түркі мемлекеттері ұйымының саммитіне қатыспайды. Оның орнына ел атынан сыртқы істер министрі Джейхун Байрамов қатысады.
Басылымның мәліметінше, Ильхам Әлиевтің халықаралық жиынға қатыса алмауына бұған дейін жоспарланған ресми іс-шаралар мен жұмыс кестесінің тығыздығы себеп болған.
30 қазанда Әзербайжан президенті Баку қаласында алғаш рет ұйымдастырылған FIFA U-15 әлем чемпионаты мен фестивалінің финалистерін марапаттау рәсіміне қатысуды жоспарлаған. Аталған күні жасөспірімдер арасындағы турнирдің финалдық кездесуі өтіп, жарыстың ресми жабылу салтанаты ұйымдастырылады.
Әзербайжан басшысының осы іс-шараға қатысуы алдын ала жоспарланған. Осыған байланысты Ильхам Әлиев Түркі мемлекеттері ұйымының саммитіне елдің сыртқы істер министрі Джейхун Байрамовты жіберу туралы шешім қабылдаған.
Министр Әзербайжан делегациясын бастап, түркі мемлекеттері арасындағы ынтымақтастық мәселелері талқыланатын кездесулерге қатысады. Сонымен қатар Әзербайжан өкілдері саммит аясында ұйымдастырылатын өзге де ресми іс-шараларға қатыспақ.
Айта кетейік, Түркі мемлекеттері ұйымы түркітілдес елдер арасындағы саяси, экономикалық, мәдени және гуманитарлық ынтымақтастықты дамытуға бағытталған халықаралық бірлестік. Ұйымға Қазақстан, Түркия, Әзербайжан, Қырғызстан және Өзбекстан мүше.
Анкарада ұйымдастырылған саммитке Қазақстан президенті Қасым-Жомарт Тоқаев та қатысуда.
