21 желтоқсан, 2018
Сербияның оңтүстігінде жолаушы пойызы мен автобус соқтығысып, екі ересек адам және бір бала қаза тапты.
22 зардап шегуші ауруханаға жеткізілген. Ниш қаласының түбінде болған апатты куәгерлер видеоға түсіріп алған. Оқыс оқиға жұма күні 07:30-да болған. Алдын ала болжамдарға қарағанда, автобус Доне-Меджурово өткеліне шыға бергенде, енді ғана жылдамдық ала бастаған пойыз бүйірден келіп соққан. Соққының күшті болғаны соншалық, автобус ортасынан қақ бөлінген.
Оқиға орнында үш адам қаза тапқан, оның біреуі жас бала. Тағы 22 адам Ништегі ауруханаға жеткізілген. Зардап шеккендердің бесеуінің жағдайы мүшкіл. Бейресми хабарларға қарағанда, жарақаттанғандардың көпшілігі мектепке бара жатқан балалар болған.
Дереккөз: ҚазАқпарат
