6 наурыз, 2020
Атырау облысында ақбөкендердің мүйіздерін заңсыз өткізбекші болған Ресей азаматы құрықталды, деп хабарлайды Stan.kz ақпарат агенттігі.
Бұл туралы облыстық ПД-нің баспасөз қызметі мәлімдеді.
«Құрманғазы ауданы Байда ауылы арқылы Ресейге бет алған «КамАз» көлігінен ақбөкеннің үш мүйізі табылған. Жүргізуші – 57 жастағы РФ азаматы. Оған қатысты Құрманғазы аудандық полиция бөлімшесі ҚР ҚК-нің 339-бабы (Сирек кездесетін және жойылып кету қаупі бар өсімдіктерді немесе жануарларды заңсыз пайдалану) бабы бойынша қылмыстық іс қозғады», - делінген ресми ақпартта.
Тергеу шаралары әлі жүргізілуде екен, алдағы уақытта өлтірілген ақбөкендер қай аймақта мекендегені анықталатын болады.
stan.kz
