8 желтоқсан, 2025
Астаналық оқырмандар Амангелді Иманов көшесі, 5 мекенжайында орналасқан, қазір жұмыс істемейтін Cinema City павильонынан шыққан өрттің кадрларын редакцияға жолдады, деп хабарлайды kznews.kz.
Куәгерлердің айтуынша, ғимараттан қою түтін шығып, жалын тез тараған.
ҚР Төтенше жағдайлар министрлігі оқиғаға қатысты жедел ақпарат берді.
«Құтқарушылар өртпен күресіп жатыр. Қазір Байқоңыр ауданында орналасқан бір қабатты павильонды сөндіру жұмыстары жүргізілуде. Толық мәліметтер нақтылануда», – деп хабарлады ведомство.
Мәліметке сүйенсек, оқиға салдарынан зардап шеккендер туралы ақпарат түспеген. Өртті сөндіруге құтқарушылар күшейтілген тәртіппен жұмылдырылған.
Қазір өрт сөндірілгені хабарланды.
