27 шілде, 2023
Астанада автобус жүргізушісінің жүрегі тұрақты маршрутпен қозғалыс кезінде тоқтап қалды. Бұл туралы Kznews.kz ақпарат агенттігі хабарлайды.
CTS компаниясының баспасөз қызметінің мәліметінше оқиға 27 шілдеде 10:20 шамасында Бөгенбай батыр көшесінде болған.
"1961 жылы туған жүргізуші маршрутпен келе жатқанда есінен танып, салдарынан жарықтандыру бағанына соғылды. Жүргізуші ауруханаға жеткізілгенімен, есін жимастан көз жұмды. Өлімнің алдын ала себебі – жүректің тоқтауы. Ол демалыстан кейін 2-ші күні жұмыс істеп жүрген. Рейс алдындағы медициналық тексерістен өткен уақыты – 05:54”, – деп мәлімдеді компания өкілдері.
Жол апаты салдарынан өзге зардап шеккендер жоқ.
