Астана-Павлодар трассасында жеті көлік жаппай соқтығысып, салдарынана екі адам зардап шегіп, бір адам көз жұмды, деп хабарлайды kznews.kz.
"13 жетоқсан күні Астана-Ерейментау-Шідерті автожолында, Павлодар бағытына қарай, 94–95 шақырымда жеті көліктің қатысуымен жол-көлік оқиғасы болды. Алдын ала мәліметтерге сәйкес, жол-көлік оқиғасының салдарынан екі адам әртүрлі дене жарақатымен медициналық мекемеге жеткізілді. Бір жолаушы оқиға орнында қайтыс болды", - деп мәлімдеді Ақмола облысы полиция департаменті.
Қазір осы факті бойынша сотқа дейінгі тергеу жүргізіліп жатыр, нәтижесі бойынша тиісті процессуалдық шешім қабылданбақ.
Бұған дейін Ақтөбе облысында автобус аударылып, 5 адам қаза тапқан еді.