5 қаңтар, 2020
Қысқа сілтеме алу
Күлімхан Төлендиева 81 жасқа қараған шағында дүниеден өтті, қоштасу рәсімі ертең, алтыншы қаңтарда өтеді
НҰР-СҰЛТАН, 5 қаңтар – Sputnik. Қазақстан ұлттық музейінің директоры Арыстанбек Мұхамедиұлының анасы Күлімхан Төлендиева қайтыс болды.
Суыт хабарды Sputnik Қазақстан тілшісіне Мұхамедиұлының бұрынғы баспасөз хатшысы Айдар Қырықбайұлы растады.
Күлімхан Төлендиева 81 жасқа қараған шағында дүниеден өтті.
Алматы облысының мәдениет, архивтер және құжаттама басқармасы Күлімхан Төлендиевамен қоштасу рәсімі 6 қаңтарда, жерлеу рәсімі 7 қаңтар күні Алматы облысы Қырғауылды ауылында (Сарыптау, 1А мекен-жайы) өтетінін хабарлады.
© Photo : Отбасының жеке архивінен
Арыстанбек Мұхамедиұлының анасы Күлімхан Төлендиева
Күлімхан Жүндібайқызы 1939 жылдың 14 наурызында Алматы облысы Талғар ауданы Тұздыбастау ауылында дүниеге келген. Сарытауқұм совхозында (Алматы облысы, Жамбыл ауданы) бухгалтер болып қызмет атқарған. Алты баланың анасы, "Күміс алқа" иегері. III дәрежелі Еңбек даңқы орденінің иегері.
Айта кетсек, Арыстанбек Мұхамедиұлы 2014 жылдың тамызынан 2019 жылдың маусымына дейін мәдениет және спорт министрі болды.
2019 жылдың 10 шілдесінен ұлттық музейдің директоры қызметін атқарады.
sputniknews.kz
