30 сәуір, 2020
Ақтөбе учаскелік полиция инспекторы Бахтияр Жақыпов мұқтаж отбасының жалға алынған пәтерінің ақысын төлеп берген игі іс-әрекеттері үшін ІІМ грамотасымен марапатталды, деп хабарлайды Stan.kz ақпарат агенттігі Polisia.kz порталына сілтеме жасап.
“Мемлекет басшысы ІІМ қызметкерлерінің ТЖ жағдайында құқықтық тәртіпті қамтамасыз етуге қосқан үлесін жоғары бағалады. Оның тапсырмасы бойынша карантиндік іс-шараларға тартылған барлық қызметкерлер мен әскери қызметшілер лауазымдық жалақы мөлшерінде сыйақымен ынталандырылады. Барлығы жеке құрамнан 52 мыңнан астам қызметкер ынталандырылады”, – деді министр.
ІІМ-де марапатталғандардың арасында Ақтөбе қаласының учаскелік полиция инспекторы Бахтияр Жақыпов та бар. Ол ішкі істер министрі Ерлан Тұрғымбаевтың бұйрығымен “Патриоттық және азаматтық белсенділігі үшін” медалімен марапатталды.
Еске салайық, бұған дейін Ақтөбеде мұқтаж отбасының пәтерақысын төлеп берген учаскелік инспектор жайлы айтылған еді.
stan.kz
