1 қазан, 2019
Қысқа сілтеме алу
Далада ойнап жүрген бес жасар қызды тәттімен алдап, азғын әрекет жасаған қарт адамды көршілері ұстап алған еді
НҰР-СҰЛТАН, 1 қазан — Sputnik. Ақтөбе облысының кәмелеттік жасқа толмағандар ісі жөніндегі мамандандырылған соты бес жасар қызға азғындық жасаған ер адамға үкім шығарды.
Қылмыстық кодекстің "Жас балаларды азғындық жолға түсіру" бабы бойынша 74 жастағы тұрғын 6 жылға бас бостандығынан айырылды. Сондай-ақ 10 жылға балалармен байланысты жұмысты істеуге тыйым салынды. Ол жазасын қылмыстық атқару жүйесінің қауіпсіздігі орташа мекемесінде өтейді.
Еске сала кетсек, оқиға биыл маусым айында болған еді. Қала шетіндегі Нұр-Ақтөбе ауданының тұрғынын далада ойнап жүрген бес жасар қызды тәттімен алдап, үй қуысында аймалап отырған жерінен көршілері ұстап алады. Қарт азғын әрекетке ішіп алып барған.
Тағы оқыңыз: "Мүшесін ұстады": Ақтөбе лагеріндегі сұмдықты балалардың бірі жайып салды
Сотта ол балаға тиіспегенін, қыз бәрін ойдан шығарып отыр деп кінәсін мойындамаған. Бірақ оқиға куәгерлері табылып, көзбен көргендерін баяндап берді. Тұрғындардың айтуынша, сотталушының балаларды кәмпитпен алдамақ болғаны бірінші рет емес.
sputniknews.kz
