12 қыркүйек, 2023
Алматыда бірнеше жыл бойы туған қызын зорлаған ер адамға қатысты сот ісі өтті, - деп хабарлайды Kznews.kz тілшісі.
Іс материалдарынан 1979 жылы туған ер адам 2021 жылдан бастап 2009 жылы туған қызын бірнеше рет зорлағаны белгілі болды. Екі жылдан кейін ғана қыз анасына жағдайды айтуды шешкен. Әйел бірден күйеуінің үстінен арыз жазған.
"Күдікті дереу уақытша ұстау изоляторына қамалды. Әрі қарай сот оны қамауға алуға рұқсат берді. Оның кінәсі бірқатар сараптамалық зерттеулермен, жәбірленуші қыздың айғақтарымен және тергеу әрекеттерімен дәлелденді", - деді Алмалы аудандық полиция басқармасының бастығы полиция подполковнигі Олжас Шәріпов.
Сот ер адамды Қылмыстыұқ кодекстің 120-бабы 4-бөлігі "Бірнеше рет жасалған зорлау" бойынша кінәлі деп тауып, оған 20 жылға бас бостандығынан айыру жазасын тағайындады.
