6 шілде, 2019
6 шілдеде кешке Алматыда полиция орталық стадион маңында жүрген бірнеше азаматты ұстады. Ұсталғандардың бірі "Шал кет!", "Алға, Қазақстан!" деп айғайлады. Азаттық тілшісі полицияның кемінде алты адамды ұстап әкеткеніне куә болды.
Бұған дейін өзін қазіргі биліктің оппоненті ретінде атайтын, бұрынғы банкир Мұхтар Әблязов 6 шілдеде азаматтарды жаппай наразылық шарасына шақырған еді. Ол құрған "Қазақстанның демократиялық таңдауы" (ҚДТ) қозғалысы Қазақстанда экстремистік ұйым деп танылған. Қозғалыс тұрақты түрде жақтастарын үкіметке қарсы митингілерге шығуға шақырып келеді. "Ақша жымқырды", "адам өлтіруге тапсырыс берді" және өзге де айыптар тағылған Әблязов сырттай өмірлік жазаға кесілген. Әблязовтың өзі бұл айыптарды жоққа шығарып, істің саясиланғанын, биліктің өзінен өш алғысы келетінін айтқан.
Қазақстанда 6 шілде астана күні ретінде тойланады.
Azattyq
