20 сәуір, 2020
89 жастағы әйел мен 62 жастағы ер адамның коронавирустан бөлек, басқа да аурулары болған, екеуі де кеше қайтыс болды
НҰР-СҰЛТАН, 20 сәуір – Sputnik. Індеттен қайтыс болған ер адам мен әйел хәл үстінде жатқан, деп хабарлайды Алматы қаласының қоғамдық денсаулық сақтау басқармасы.
Екі науқастың біреуі – 1958 жылы туған ер адам. Оның инфекциядан басқа өткір деструктивті панкреатит, ауыр дәрежедегі анемия, артериалдық гипертония деген сияқты қосымша аурулары болған. Жүрегі тоқтап көз жұмды.
Екіншісі – 1931 жылғы әйел. Жүректің ишемиялық ауруы, артериялық гипертензия, дисциркуляторлық энцефалопатия диагноздарымен өте ауыр хәлде жатқан.
Тағы оқыңыз: Тойға барамын деп ауруханаға түсті - коронавирусты жеңген қарияның әңгімесі
Айта кетсек, екі пациент те 19 сәуірде қайтыс болды.
Республикада коронавирустан барлығы 19 адам көз жұмды, соның бесеуі – Алматыда.
sputniknews.kz
