Алматы облысында "Алтын Орда" базары өртеніп жатыр, деп хабарлайды zakon.kz.
Базардың өртке оранғаны туралы ақпарат әлеуметтік желілерде жарияланды.
Алматы облысының төтенше жағдайлар департаменті өрт кезінде зардап шеккендер болмағанын хабарлады.
https://youtu.be/Rptu-K-50sY
«30 маусым күні сағат 16:23-те Қарасай ауданы, Алматы-Ташкент автожолының 15-шақырымында орналасқан «Алтын Орда» базарында асхана өртеніп жатқандығы жөнінде хабарлама түсті. Қызыл жалынның таралуы сағат 17:00-де тоқтатылып, 17:33-те толығымен сөндірілді. Алдын ала болжам бойынша, тілсіз жау 240 шаршы метр жерді (асхананың аумағы және металдыпластиктен жасалған сауда павильондары) шарпыған. Өрттің шығу себебі анықталуда», - делінген Алматы облыстық Төтенше жағдайлар департаментінің баспасөз қызметі таратқан ақпаратта.
Жалынмен күреске Алматы қаласы мен Алматы облысының 20 өрт сөндірушісі және 4 техникасы жұмылдырылған.
