Алматы қаласының прокуратурасы хабарлағандай, қала әкімінің орынбасарының тапсырмасына сәйкес әлеуметтік маңызы бар азық-түлік өнімдерінің бағасына мониторинг жүргізу барысында аудан әкімдіктерінің қызметкерлері өз өкілеттігін асыра пайдаланып, кәсіпкерлерден заңсыз түрде құжат талап еткен.
Аталған іс-әрекеттер қолданыстағы заңнамаға қайшы, өйткені тексерушілердің кәсіпкерлерден құжат сұратуға заңды құқығы болмаған. Тексеру рәсімдерін бұзуға байланысты аудан әкімдері аппараттарынан 6 лауазымды тұлға ҚР ӘҚБтК-нің 175-бабына сәйкес әкімшілік жауапкершілікке тартылды. 25 іс бойынша жалпы көлемі 500 АЕК көлемінде айыппұл салынған.
Сонымен қатар, Алматы қаласы әкімінің орынбасарына кәсіпкерлік қызметке заңсыз араласқаны үшін ҚР ӘҚБтК-нің 173-бабымен 100 АЕК көлемінде айыппұл тағайындалды.
Барлық айыппұлдар қысқартылған тәртіппен төленгені айтылды.
фото: gov.kz
