6 қыркүйек, 2024
Әлеуметтік желіде Алматы әкімі көмекшісінің ұсталғаны туралы ақпарат тарады. Бұл хабарламада Алматы облысы Іле ауданы әкімінің фотосы көрсетілген.
Алматы қаласының әкімдігі бұл ақпарат шындыққа жанаспайтынын хабарлады.
- Алматы қаласының әкімдігі жалған ақпарат таратқандарды анықтау үшін құқық қорғау органдарына жүгінетінін мәлімдейді. Еске салайық, заңнамаға сәйкес, жалған ақпарат таратқандар әкімшілік және қылмыстық жауапкершілікке тартылуы мүмкін, - деп мәлімдеді әкімдік баспасөз қызметі.
Еске салайық, бұған дейін Алматы облысы Іле ауданының әкімі қамауға алынғанын жазған едік.
Сондай-ақ Алматы облысы Іле ауданының әкімі не үшін ұсталғаны белгілі болды.
