Әлемдегі ең бай музыкант әйелдің аты аталды

10:37 05.06.2019(Жаңартылды 10:38 05.06.2019) Қысқа сілтеме алу

0 0 0

Әншінің дәулеті 600 миллион долларға бағаланып отыр

НҰР-СҰЛТАН, 5 маусым — Sputnik. Музыка әлеміндегі ең бай әйелдер рейтингінде әнші Рианна бірінші орынды иеленді. Бұл туралы Forbes хабарлады.

Басылымның мәліметінше, әншінің дәулеті 600 миллион долларға бағаланып отыр. Рианна 570 миллион доллары бар Мадоннаны, 450 миллион доллар тапқан Селин Дион мен 400 миллион доллар кіріс келтірген Бейонсені басып озды.

Сонымен бірге басылым бұл ақшаның негізгі бөлігі музыкамен емес, LVMH Moet Hennessy Louis Vuitton тобының компанияларымен серіктестік жасаумен байланысты екенін атап өтті.  LVMH Рианнамен бірге Fenty Beauty косметика брендін құрды.

Fenty Beauty алғашқы бірнеше аптаның ішінде сату көлемін 100 миллион долларға ұлғайтты, бұған Рианнаның танымалдылығы мен Instagram-дағы 71 миллион жазылушысы көмектесті.