Актер Мұрат Бисембиннің қызы әкесінің ауыр дертке шалдыққанын және оның қазіргі жағдайын баяндады, деп хабарлайды kznews.kz.
Ол көпшілік «Әкеңіздің жағдайы қалай?» деп жиі сұрайтынын айтып, жағдайдың әртүрлі екенін жеткізді: кейде жақсарып, кейде нашарлайтынын, бірақ отбасы әрдайым позитив сақтауға тырысатынын айтты. Қыз өзінің парақшасында көбіне тек жақсы сәттерді көрсететінін, көп нәрсе кадр сыртында қалатынын атап өтті.
«Әкем — мен білетін ең мықты адамдардың бірі. Осы бір жарым жылда ол талай сынақтан өтті: ауруханадан ауруханаға, клиникадан клиникаға… Қайта қалпына келу, емдеу, химиятерапия. Қазір бізде тек сенім бар — әкемнің жағдайы жақсарып, ремиссияға шығатынына сенеміз», — деп жазды қызы.
Ол барлық жақындары мен жанкүйерлеріне қолдау көрсеткендері үшін алғысын білдірді.
