22 шілде, 2024
Желі жұлдызы, блогер Айжан Байзақова күйеуінің көлік қағып кеткенін айтты. Бұл туралы Kznews.kz ақпарат агенттігі хабарлайды.
Блогердің айтуынша, күйеуі жаяу жүргіншілерге арналған жолдан өтіп бара жатқан.
“Нұрбекті жаяу жүргіншілер жолағында көлік қағып кетті. Көлік жүргізушісі телефонға қарап келе жатқан. Нұрбек көлікті зақымдаған. Жолдасым кішігірім жарақат алыпты. Көлік жүргізушісін кешіре салған. Енді үйге түк болмағандай келіп тұр. Күйеуімді көлік қаққан сияқты еді. Бірақ жолдасымның орнына көлік зақымданған”, – деп жазды блогер.
Сөз арасында желі жұлдызы оқырмандарына жаяу жүргіншілер жолынан да абай болып өтуге шақырды.
“Бәрі жақсы, шүкір. Бірақ бұл да бір белгі деп қабылдайық. Жаяу жүргіншілер жолағында абай болып, көлік жүргізгенде телефонға қарамаңыздар. Нұрбек пен жүргізушінің жолы болды. Екеуі де үлкен сабақ алды", – деді Айжан Байзақова.
