11 қыркүйек, 2022
79-шы Венеция халықаралық кинофестивалінде қазақстандық режиссер Әділхан Ержановтың «Голиаф» фильмі италияндық тәуелсіз киносыншылардан арнайы сыйлық алды, деп хабарлайды Kznews.kz тілшісі.
Шәкен Айманов атындағы «Қазақфильм» киностудиясының мәліметінше, Premio bisato d'oro 2022 «Үздік актер» жүлдесі Берік Айтжанов пен Данияр Алшыновқа берілген.
Әділхан Ержановтың нуар жанрында түсірілген «Голиаф» көркем фильмі 31 тамыз бен 10 қыркүйек аралығында Лидо аралында өтіп жатқан 79-шы Венеция халықаралық кинофестивалінің Orizzonti Extra («Жаңа көкжиек») конкурс бағдарламасына енді.
Orizzonti Extra бағдарламасы әлемнің түкпір-түкпірінен режиссерлердің жаңа есімдерін ашқан әлемдік кинематографияның негізгі тенденцияларын көрсетеді.
