Кеше "Қашаған-айыппұл: 2,3 трлн теңгелік өндіріс уақытша тоқтады" деген тақырыппен материал жариялаған едік. Бүгін құзырлы орган мәселеге орай түсінік берді.
Осылайша Әділет министрлігі NCOC компаниясынан 2,3 трлн теңге көлеміндегі экологиялық айыппұлды өндіріп алу тоқтатылды деген ақпаратты жоққа шығарды.
Министрліктің түсіндіруінше, атқарушылық іс жүргізу тек компанияның сот орындаушысының әрекетіне шағымдануына байланысты уақытша тоқтатылған. Шағым Атырау облысының мамандандырылған ауданаралық әкімшілік сотында қаралып жатыр.
- Сот материалдарды қайтарғаннан кейін 2,3 трлн теңгені өндіріп алу рәсімі қайта жалғасады, - деп мәлімдеді Әділет министрлігі.