Абай облысында үш адам, оның ішінде 3 жасар бала аяздан қайтыс болды

Қайғылы оқиға Жарма ауданы Терістанбалы ауылында болған, деп жазады Abai.news порталы. Жас отбасы 3 жасар баланы ата-анасына қалдырған. Кейін ересектер қонаққа шақырылып, олар немересін өздерімен бірге алып кеткен. Кешкі уақытта көшеге не үшін асығып шыққаны белгісіз. Бірақ алдымен әйел құлап, қайтыс болған. Күйеуімен де осындай жағдай қайталаныпты. Ал далада қалған 3 жасар баланы үсік шалып, ол да көз жұмған. Жарма ауданының аудандық полиция бөлімінде бұл факт расталды. Кеше отбасын жерлеу рәсімі өтті. Суық ауа райының басталуымен адамдардың үсік шалу жағдайлары жиілеп кетті. Мәселен, Абай облысы бойынша жедел медициналық жәрдем станциясының мәліметінше, аймақта тоғыз адам үсік шалды, оның алтауы Семейде. Фото:  ukr.net