7 қараша, 2023
Абай облысында балалар сіріңкемен ойнап, 82 тонна шөп өртеп жіберген. Бұл туралы Kznews.kz ақпарат агенттігі хабарлайды.
Төтенше жағдай Ақсуат ауданының ауылдарының бірінде орын алды. Жергілікті тұрғын оның шөбі өртеніп кеткенін айтты.
Полицейлер бұл оқиғаға екі оқушы кінәлі екенін анықтады. Олар аулада сіріңкемен ойнап, жемді өртеп жіберді.
Балалар келтірген залал – 4 млн теңге. Енді бұл соманы олардың ата-аналары немесе заңды өкілдері қалпына келтіруі керек.
