НҰР-СҰЛТАН, 5 мамыр – Sputnik. Маңғыстау мен Өскеменде бұршақ жауды. Қазгидромет синоптиктері 5-7 мамыр күндері елдің басым бөлігінде күн салқын болатынын айтты.
Сейсенбі күні Өскеменнің кейбір аудандарында бұршақ жауды, деп хабарлайды жергілікті YK-news.kz басылымы. Сынап бағанасы +3 градусты көрсетті.
"Шығыс Қазақстан облысында дабылды ескерту жарияланды. 5 мамырда түнде жаңбыр, қар болады. Ауа температурасы минус 1-6 градусқа дейін төмендеуі мүмкін", - делінген төтенше жағдайлар департаменті таратқан ақпаратта.
Бұған дейін Маңғыстауда ауа райы бұзылған болатын. Тұрғындар Жетібай ауылында түсірген видео тарады. Зардап шеккендер туралы ақпарат жоқ.
Синоптиктер антициклон әсерінен күн суытқанын айтты.
Оңтүстікте жаңбыр, жыл болып, бұршақ жаууы мүмкін.
"Солтүстік, орталық, шығыс пен оңтүстік-шығыстың таулы өңірлерінде түнде ауа райы 0 градусқа дейін төмендейді", - деді Қазгидрометте.
7 мамырда оңтүстіктен тропосфералық ағын келіп, күн жылиды.