29 қазан, 2020
29 қазан күні Қазақстан аумағында құбылмалы ауа райы сақталады, қар мен жаңбыр жауады. Республиканың батысы мен оңтүстігінде жауын-шашынсыз күн райы күтіледі. Еліміздің кей жерлерінде тұман, көктайғақ, жаяу бұрқасын, оңтүстік-батыста шаңды дауыл болжанады.
Солтүстік Қазақстан, Шығыс Қазақстан, Қарағанды облыстарының кей жерлерінде тұман, көктайғақ, жаяу бұрқасын болады. Желдің күші 15-20 м/с артады.
Ақмола облысының кей жерлерінде жел 15-20 м/с күшейеді, түнде тұман, көктайғақ, жаяу бұрқасын күтіледі.
Павлодар облысының кей жерлерінде көктайғақ, күндіз кей жерлерінде жел 15-20 м/с күшейеді.
Жамбыл, Қостанай облыстарының кей жерлерінде тұман, көктайғақ болжанады. Жамбыл облысының жекелеген аумағында күндіз жел 15-20 м/с күшейеді.
Маңғыстау, күндіз Атырау облыстарының кей жерлерінде жел 15-20 м/с артады.
Алматы, Түркістан, Батыс Қазақстан облыстарының кей жерлерінде тұман болуы ықтимал.
