Тергеу мәліметінше, қайғылы оқиға 11 қыркүйекте Малая Черкизовская көшесіндегі пәтерде болған. Алкоголь ішкеннен кейін күдікті мен оның танысы арасында жанжал туындаған. Жеке араздық соңы қанды қылмысқа ұласып, ер адам мүмкіндігі шектеулі азаматқа пышақ, балта және өзге де заттармен 170-тен астам соққы жасаған. Жәбірленуші алған жарақаттарының салдарынан сол жерде көз жұмған.
Аталған дерек бойынша қазір “Кісі өлтіру” бабымен қылмыстық іс қозғалды. Тергеушілер оқиға орнында тексеру жүргізіп, куәгерлерден жауап алды және қажетті сот сараптамаларын тағайындады.
Күдікті ұсталып, уақытша қамауға алынған. Тергеу барысында оған қатысты қосымша тергеу әрекеттері жүргізілмек.
