Ташкентте Тоқаев пен Мирзияевтің кездесуі өтіп жатыр
Ташкентке Қазақстан президенті Қасым-Жомарт Тоқаев пен Өзбекстан президенті Шавкат Мирзияевтің кездесуі өтіп жатыр. Кездесу Өзбекстан президентінің резиденциясы — «Көксарaйда» өтіп жатыр. Бұл туралы «Қазақпарат» агенттігі хабарлады.
«Кеңейтілген және жабық форматтағы келіссөздер кезінде екі елдің президенттері саяси, сауда-экономикалық және мәдени-гуманитарлық салаларда, сондай-ақ аймақтық және халықаралық тақырыптарда екіжақты ынтымақтастық мәселелерін талқыламақ» деп жазады басылым.
Келіссөздер соңында екіжақты құжаттарға қол қойылып, бұқаралық ақпарат құралдарына мәлімдеме жасалады деп жоспарланған.
Оқи отырыңыз: Екінші президенттердің Ташкенттегі алғашқы кездесуі
14 сәуірде Қазақстан президенті Қасым-Жомарт Тоқаев Өзбекстанға мемлекеттік сапармен барды. Ташкент әуежайынан оны Өзбекстан премьер-министрі Абдулла Арипов пен сыртқы істер министрі Абдулазиз Камилов, Ташкент хокимі Жахонгир Артыкходжаев қарсы алды.
Видео: Тоқаевтың Ташкентке келуі (өзбекше видео)
Екі елдің президенттері Қазақстандағы Өзбекстан жылының салтанатты ашылуына қатысады деген ақпарат тарады.
