Жетісуда ғарыштық мониторинг енгізу жоспарлануда

0
98

Бүгінгі таңда ғарыштық мониторинг егістік алқаптарының аумағын, ормандағы өрт қаупін, заңсыз құрылыстарды анықтауда таптырмайтын жүйе болып табылады, бұл тіпті рұқсат етілмеген қоқыс тастайтын жерлерді де көрсетеді. Яғни, жағдайға байланысты арнайы карталарды жасауға және күнделікті бақылауды жүзеге асыруға мүмкіндік береді. Бүгін цифрлық даму, инновациялар және аэроғарыш өнеркәсібі министрі Бағдат Мусин мен облыс әкімі Бейбіт Исабаев осы жобаның тиімділігін талқылады.

«Қазақстан ғарыш сапары «ҰҚ» АҚ Басқарма төрағасының орынбасары Қуандық Шүленбаевтың айтуынша, геопортал қызметі тегін. Қажетті толық ақпаратты алу үшін барлық жағдайлар қарастырылған.

 — Бұл кезеңде бізге ғарыштық мониторинг қажет. Су және орман ресурстарын, жер қойнауын пайдалануды, ауыл шаруашылығы жерлерінің жай-күйін бақылау ерекше маңызды болып табылады. Тиісті салалардың басшылары бұл жүйені жұмыста тиімді пайдалана алады, — деп атап өтті облыс әкімі Бейбіт Исабаев.