Жамбыл облысында 11 автокөлік жол апатына түсті
30 тамызда түстен кейін Жамбыл облысындағы тас жолда үлкен жол апаты болды.
«2021 жылы 30 тамызда Батыс Еуропа-Батыс Қытай автожолында Алматы бағытындағы 393 шақырымда 11 автокөліктің қатысуымен жол-көлік оқиғасы болды», деп хабарлады полицияның баспасөз қызметі.
Ауруханаға түрлі дене жарақатымен бірнеше адамның жүгінгені айтылды.
Қазіргі уақытта сотқа дейінгі тергеу басталды.
