Шұғыл климаттық апат адамзаттың ақымақтануына әкеледі — Қазақстан жаңалықтары

Боулдердегі Колорадо университетінің ғалымдары болашақта көміртегі диоксиді концентрациясының жоғарылауы адамдардың ақыл-ойы мен күрделі стратегиялық ойлауының төмендеуіне әкелуі мүмкін деп болжады. Ғаламдық жылынудың салдарынан адамзаттың ақымақтануы себептерін анықтайтын зерттеу нәтижелері GeoHealth журналында жарияланды, деп хабарлайды Stan.kz ақпарат агенттігі.

Ғасырдың аяғында адамдар көмірқышқыл газының жоғары деңгейіне ұшырайды, ол ғимарат ішінде 1400 ppm жетеді, бұл қазіргі кездегі концентрациядан үш есе көп. Нәтижесінде қанда ерітілген көмірқышқыл газының мөлшері артып, миға оттегінің ағымы азаяды. Бұл ұйқышылдық пен мазасыздықты арттыратыны, сонымен бірге танымдық функцияны бұзатыны белгілі.

Мамандар ауа-райының өзгеруінің апаттық сценарийіне сәйкес, тұрақты антропогендік көмір жағу салдарынан ашық ауада көмірқышқыл газының деңгейі 930 ppm, ал қалалық жерлерде ол қосымша 100 ppm жоғарылайды деп болжап отыр. Сарапшылардың пікірінше, парниктік газдар концентрациясының жоғарылауы жоспарлау және шешім қабылдау мүмкіндігін тиісінше 50 және 20 пайызға төмендетеді.