Сағынтаев Алматыдағы карантинге байланысты мәлімдеме жасады

Алматы қаласының әкімі төтенше жағдайға байланысты қалада карантин енгізу туралы ұсыныс енгізгенін айтты

АЛМАТЫ, 17 наурыз – Sputnik. Алматыда карантин коронавирус инфекциясының таралуын тоқтату үшін енгізіледі. Бұл туралы қала әкімі Бақытжан Сағынтаев мәлімдеді, деп хабарлайды Sputnik Қазақстан тілшісі. 

«Мемлекет басшысының шешімімен төтенше жағдай жарияланды. Шешім дұрыс. Бұл оқиғаның алдын алу үшін қабылданды. Алматы аумағында инфекцияның алдын алу қаңтарда Дүниежүзілік денсаулық сақтау ұйымы Қытайда коронавирустің таралуына хабарланған сәттен басталды. Екі жарым айдың ішінде Алматы әуежайының мемлекеттік шекарасында шұғыл қорғаныс шаралары жүргізілді», — деді Алматы қаласының әкімі Бақытжан Сағынтаев.

Ол коронавирус өте қарқынды таралып жатқанын алға тартты.

«Бүгінге дейін 15 жағдай тіркелді. Тұрғындар үшін тез өсіп келе жатқан қауіп бізді жылдам шешім қабылдауға мәжбүрледі. Сондықтан мен төтенше жағдайға байланысты қалада карантин енгізу туралы ұсыныс енгіздім. Бұл шешім бір сағат бұрын қабылданды», — деді қала әкімі.