Қазақстанның аймақтарында азық-түліктің орнына ақша беріледі – Қазақстан жаңалықтары

0
55

Облыстардың әкімдіктеріне халықтың әлеуметтік осал топтарына азық-түлік жиынтығынан гөрі ақшалай көмек беруге рұқсат етілді. Бұл президент жанындағы төтенше жағдайды қамтамасыз ету жөніндегі мемлекеттік комиссия отырысының нәтижесінде белгілі болды, деп хабарлайды Stan.kz ақпарат агенттігі.

«Азаматтардың жеделдігі мен қауіпсіздігін қамтамасыз ету мақсатында мемлекеттік комиссия еңбек және халықты әлеуметтік қорғау министрлігінің жеке тұлғалардың шоттарына қаражат аудару арқылы азық-түлік және тұрмыстық жиынтықтармен қамтамасыз ету туралы ұсынысын мақұлдады», – деді премьер-министр Асқар Мамин.

Ұсынылған механизмге сәйкес облыс әкімдеріне қаражатты халықтың әлеуметтік әлсіз топтарына уақытылы аударуды қамтамасыз ету тапсырылды.

«Шоттардың жоқтығы немесе алушылардың жасына немесе мүгедектігіне байланысты қозғала алмауы жағдайында азық-түлік пакеттерін санитарлық талаптарға сай үйлеріне жеткізуді қамтамасыз етіңіз», – деді үкімет басшысы.

Бұған дейін Алматы мен Нұр-Сұлтан қалаларында тегін азық-түлік және тұрмыстық жиынтықтармен қамтамасыз етілген азаматтардың санаттарының тізімі кеңейтілді.

Төтенше жағдай кезіндегі әлеуметтік көмекті I, II, III топтағы мүгедек азаматтар, ерекше қажеттіліктері бар балалар, ерекше қажеттіліктері бар баланы күтуге қатысатын ата-аналар, сондай-ақ АЕК алушылар ала алады.

Азаматтардың қауіпсіздігін қамтамасыз ету үшін ақшалай түрде 4 АЕК көлемінде жиынтықтар беру басталды – 10 мың теңгеден астам қаражат беріледі.

stan.kz