Қазақстандықтар үшін визасыз режим енгізіле ме – АҚШ елшісі жауап берді

Қазақстандықтар үшін визасыз режим туралы мәселені талқылауға әлі ерте деп есептейді АҚШ-тың Қазақстандағы елшісі Уильям Мозер. Бұл туралы ҚазТАГ жазды.

Бұл мәселені талқылауға әлі ерте, өйткені бізге әлі де пандемия әсер етеді. Бірақ содан кейін бұл мәселені талқылауға болады. Мен бұл жақында болады деп уәде бере алмаймын, — деді Мозер дүйсенбіде өткен баспасөз мәслихатында.

Сонымен қатар ол Қазақстан азаматтарына 10 жылдық виза беруді айтарлықтай жетістік деп атады.

Қазір әрбір қазақстандық 10 жыл мерзімге виза ала алады деп ойлаған жөн, бұл жақсы және елеулі жетістік, — деп атап өтті ол.