Павлодарлық зағиптар жаңа өнім шығаратын цех ашты

0

2018 жылғы 28 желтоқсан 22:50 163

Павлодарлық зағиптар жаңа өнім шығаратын цех ашты


АСТАНА. ҚазАқпарат – Қазақ зағиптар қоғамының Павлодар облыстық филиалы жанында жаңа қондырғылармен жабдықталған цех жұмысын бастады, деп хабарлайды pavlodarnews.kz.

Зағиптар қоғамының бас инженері Ораз Байғожиннің айтуына қарағанда, өндіріс орны бұған дейін де жұмыс істеген. Тек биылдан бастап қоғам мүшелері цехте жаңа өнім шығаруға бел буған.

– Ол үшін өзімізде бар экструдерді ресейлік мамандардың көмегімен модернизацияладық, – дейді Ораз Байғожин. – Соның арқасында жиһаздық жиек (кант) шығаруға мүмкіндік алдық. Ол жиһаз жасау өндірісінде кеңінен қолданылады. Оған дейін цехте шығарылған ПВХ құбырларға деген сұраныстың азаюы себебі осындай шешім шығардық.
Павлодарлық зағиптар жаңа өнім шығаратын цех ашты 

Сонымен бірге, цехте термопластавтомат қондырғысы орнатылды. Ол әртүрлі пластикалық бұйымдарды шығаруға арналған. Оның көмегімен өнім шығару алдағы уақыттың еншісінде. Зағиптар қоғамы барлық модернизациялық жұмыстарды өз қаражатына өткізгенін айта кеткен жөн.

Ораз Байғожиннің айтуынша, кәсіпорын бұдан бөлек арнайы тапсырыс бойынша Алюминий зауытына фильтрлер шығарумен айналысады. Ол фильтрлер зауыттың тазалау қондырғыларында пайдаланылады. Сонымен бірге, Зағиптар қоғамының жұмыскерлері төсек-орындар да шығаруға мүмкіндігі бар. Жеке тапсырыстар да орындалады.

Кәсіпорында 87 адам еңбек етеді. Олардың жартысынан көбі көру көру қабілеті бұзылған азаматтар.

Фото: Зағиптар қоғамы

Дереккөз: https://www.inform.kz/kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз