Медведев: Қазақстан — жасанды ел, біз келмейінше тәртіп орнамайды!

Дмитрий Медведевтің “ВКонтакте” парақшасында “Қазақстан жасанды мемлекет, орыстар келмейінше тәртіп орнамайды” деген жазба пайда болып, кейін өшірілді деп хабарлайды kznews.kz тілшісі.

“Тоқсаныншы жылдардың басында орын алған қателік түзетілетініне, бұдан былай егемендік шерулері болмайтынына ешкім күмәнданбауы керек.
Кеңес Одағы тағы да достық пен өзара түсіністікте бірге өмір сүретін болады.  Ал ол үшін біз күш те, қаражат та аямаймыз. Біз сол жолмен жүріп келеміз. Киевті және Кіші Ресейдің барлық аумақтарын ұлшылдардан азат еткеннен кейін, Ресей қайта біртұтас, алып және қуатты елге айналады. Кейін Отанмыздың шекарасын қалпына келтіру процесіне көшеміз.
Бізден тартып алынған қасиетті жердің бәрін ата-бабаларымыз қанымен, жанымен қорғап, ғасырлар бойы болған талай шайқастарда жаулап алды. Ал біз оларды ешкімге бермейміз.
1801 жылға қарай қазіргі Грузияның аумағы бес егеменді саяси құрылымнан тұрды: астанасы Тифлистегі Картли және Кахети, астанасы Кутаиси болатын Имерети, екі князьдік — Қара теңіз жағалауындағы Мегрелия және Гурия, таулы аймақтардағы Сванети княздігі.  Яғни, Грузия қазіргі Ресей империясының аумағында құрылған.  Уақыт өте келе Грузия Ресейге қарай жақындай түсті. Себебі дұшпандық қарым-қатынаста болған мұсылман елдердің арасындағы жалғыз одақтасы орыстар екенін түсінді.  Енді сол оқиға қайталанып жатыр.  Солтүстік және Оңтүстік Осетия, Абхазия және Грузияның қалған аумағы Ресеймен біртұтас мемлекеттің бөлігі ретінде ғана біріктірілуі мүмкін.  Тарихтан тағы бір мысал, 17 ғасырдың басында Солтүстік Қазақстанның жабайы жерлерінде орыстар алғашқы қоныстардың негізін қалады.  Үш ғасыр бойы бұл аумақты орыстардың отарлау процесі жалғасты, оған ерекше серпін Сібір темір жолының ашылуы және Столыпиндік аграрлық реформа болды.  Кеңес Одағы ыдырағанға дейін Солтүстік Қазақстан халқының 62,5%-ын славяндар құраған. Қазақстан — жасанды мемлекет. Бұрын Гурьев, Семей қалалары Ресейге тиесілі болған. Тіпті Алматы 1924 жылға дейін Верный деп аталды.  Ағымдағы ғасырда Қазақстан билігі түрлі этностарды республика шегінде қоныстандыру бастамаларын жүзеге асыра бастады, мұны орыстарды «геноцид» деп атайды.  Біз бұл жағдайға көз жұмып қарай алмаймыз.
Орыстар келмейінше тәртіп болмайды….”,- деп жазды Медведев.

Кейбір БАҚ көздерінің хабарлауынша, Медведевтің аккаунты бұғатталып, осындай жазба пайда болды. Артынша өшірілді. Бірақ Дмитрий Медведевтің өзі аккаунтының бұғатталғаны жайлы әлі ресми мәлімдеме жасамады. Жазбаны өзі не өзгенің жазғаны әзірге беймәлім.