Маскасыз жүрген Өскеменнің әкімі жұрттың наразылығын тудырды
Өскемен қаласының әкімі Жақсылық Омардың маскасыз түскен фотосуреті әлеуметтік желілерде қызу талқылануда, деп хабарлайды Stan.kz ақпарат агенттігі Arnapress.kz басылымына сілтеме жасап.
Өңірде карантиндік шаралар әлі күшінде, қоғамдық орындарда маска киюді талап етіледі. Суретке ШҚО санитарлық-эпидемиологиялық бақылау департаментінде түсініктеме берілді.
Іс-шара Александров атындағы спорт сарайында 6 наурызда өтті. Осыдан кейін әлеуметтік желілерде Жақсылық Омардың қонақтармен түскен суреті пайда болды. Әкім нысанның алдында маскасыз суретке түсті. Көпшілігі көргендеріне ашуланып, шенеунікті жазалауды талап еткен.
Сонымен қатар, Шығыс Қазақстан облысының санитарлық-эпидемиологиялық бақылау департаменті көрермендермен спорттық шараларды өткізуге сыйымдылық 20% -дан аспайтын мөлшерінде рұқсат етілетіндігін түсіндірді.
Өскемен қаласы әкімінің фотосуретіне қатысты қалалық санитарлық-эпидемиологиялық бақылау бөлімінің қызметкерлері тергеу жүргізуде. Келіп түскен материалдар заңмен белгіленген мерзімде қаралатын болады. Осы мүмкіндікті пайдалана отырып, тұрғындарға қолданыстағы шектеулерді сақтау қажеттілігі туралы ескертілді.
