Ер адам бейтаныс әкесінің арқасында 30 туған бауыры барын білді

0
320

Джорджия штаты Атланта қаласының тұрғыны өмір бойы өзін отбасындағы жалғыз ұл деп ойлап келген. Алайда жуырда ол өзімен бір туған кемінде 30 аға-інісі мен әпке-қарындасы барын білді.

Tiktok қолданушысы Энди Набил 2020 жылдың желтоқсан айында Ancestry.com генеологиялық қызметінен үш ДНҚ тестін сатып алғанын айтады. Біреуін өзі қолданып, қалған екеуін ата-анасына мерекеге орай сыйға тартқан.

Күтпеген нәтижеге қол жеткізді. Жоғарыда аталған генеологиялық қызмет оның ата-бабасының Англия, Франция емес, Ирландияда өмір сүргенін көрсеткен. Сондай-ақ, ол Ancestry.com базасында өзі білмеген туыстары туралы мәліметті тапқан.

Энди Набил тереңінен зерттеу жүргізіп, көп ұзамай жұмбақтың жауабын тапты. Ата-анасы да көп ұзамай оған шындықтың бетін ашып, оны жасанды ұрықтандыру жолы арқылы дүниеге әкелгенін айтқан. Ал сперма донорының 30-дан астам баласы бар болып шықты.