Ақтөбеде 60 емделуші аштық жариялады — Қазақстан жаңалықтары

Ақтөбеде жабық үлгідегі наркологиялық емдеу мекемесінің емделушілері нағыз бүлік ұйымдастырып, аштық жариялады және режимді жеңілдетуді талап етті, деп хабарлайды Stan.kz ақпарат агенттігі «Астана» арнасына сілтеме жасап. 

Науқастардың айтуынша, бірнеше күн бұрын мекемеге жаңа күзетшілер келген. 60 адам жаңа күзетшілерге қарсы наразылық білдіруде.

«Біз төрт бөлімде де аштық жариялап жатырмыз. Ешкім тамақ ішпейді, себебі оны төгеді. Науқастарды ұрып-соғып, жертөлеге апарып тастайды», — дейді науқастар.

Бірақ мекеме басшылығы бұл деректі жоққа шығарып отыр. Қауіпсіздік қызметі тек ойын карталары мен алкогольді алып қойған дейді.

«Аштық жариялады, шамамен 60-70 адам. Аштық жариялануының себебі-күзет ұйымы мен пациенттер арасындағы келіспеушіліктер. Олар палаталарында ұстайтын ойын карталарын, пышақтарды алып қойға», — деді Ақтөбе қаласының мамандандырылған емдеу-алдын алу мекемесінің бас дәрігері Қыдырбек Әбішев.

Мқедағы пациенттердің көпшілігі мәжбүрлеп емделеді. Сондықтан ұстау жағдайлары қатаң болуы керек, деп санайды қауіпсіздік қызметінің қызметкерлері. Жаңа күзетшілер мұнда бірнеше күн бұрын жұмыс істеуге келген және бірден өз ережелерін орнатқан.

Олардың сөзінше, ұрып-соғу мен қорлау — есірткіге тәуелді адамдардың ойдан шығарған әңгімесі.

«Жоқ, төбелес болған жоқ. Біз келген кезде, олардың барлығы мас болды. Арақты қайдан алынғанын білмейміз. Мүмкін, бізге дейін жұмыс істеген күзет фирмасы мұны байқамаған шығар», — күзетші Ағаділ Қодықов.

Аштық жариялауды тоқтату үшін мекеме басшылығы күзет компаниясының директорымен кездесті. Науқастардың өздерімен де түсіндіру әңгімесі өткізілді.