Алматыда қандай кәсіпорындарға жұмыс істеуге рұқсат берілді — Қазақстан жаңалықтары

Алматы әкімдігінде 27 сәуірден бастап жұмысқа шығуға рұқсат етілген кәсіпорындарды атады, деп хабарлайды Stan.kz.

«Бүгін экономиканың бірқатар секторларын жаңартудың екінші кезеңі іске қосылатыны жайлы шешім қабылданды. Атап айтқанда, карантин кезінде кейбір салалар шектеулі режимде жұмыс істеді: көлік, қоймалау, ақпараттық-коммуникациялық технологиялар. Бұл секторлар толықтай ашылады. Ертеңнен бастап осы салада жұмыс істейтіндерге толығымен жұмысқа шығуға рұқсат етіледі», — деді брифинг барысында Алматы әкімінің орынбасары Сапарбек Тұяқбаев.

Сонымен қатар, айырбастау саласын қоспағанда, ішінара, 50% — ға дейін қаржы секторы жұмысына да рұқсат етіледі, бұл екінші деңгейлі банктер, микрокредиттік ұйымдар, сақтандыру компаниялары, брокерлер, сондай-ақ ломбардтар.

«Ломбардтар үшін клиенттердің қабылдауынсыз, тек уәкілетті органда есептік тіркеу бөлігі бойынша ғана жұмыс істеу рұқсат етіледі. Сондай-ақ, бизнес үшін кәсіби қызметтер саласында: консалтингтік қызметтер, аудиторлық, бухгалтерлік, заңгерлік, рекрутингтік қызметтер. Бұл секторда компанияның штаттық санының 50% — на дейін рұқсат етіледі. Сауда саласында қосымша азық — түлік емес тауарларды үйге жеткізуді жүзеге асыратын кәсіпорындар», — деп толықтырды әкім орынбасары. Ол сондай – ақ ТҚК, шиномонтаж, оргтехника мен тұрмыстық техниканы жөндеу кәсіпорындары, жарнама агенттіктері, автожуғыштар, Автосалондар-жұмыс істеп тұрған клиенттерге техникалық қызмет көрсету бөлігі бойынша, авто сатпай-ақ жұмыс істеуге рұқсат етілетінін атап өтті. Автокөлік жуу мен автосалондар алдын ала жазылым бойынша жұмыс істеуі тиіс.

«Осы рұқсаттың нәтижесі бойынша бір апта ішінде 90 мыңға жуық қызметкер жұмысқа шығады деп күтілуде», — деп нақтылады Сапарбек Тұяқбаев.