Алматыда карантин кезінде эротикалық массаж салоны жұмыс істеген — Қазақстан жаңалықтары

Алматыда екі эротикалық массаж салоны жұмыс істеді, деп хабарлайды Stan.kz тілшісі Polisia.kz-ке сілтеме жасап.

Медеу ауданында орналасқан салонда эротикалық массаж қызметін 7 қыз ұсынды. Жұмыс орнында әкімші де болған. Олардың жұмыс орындарында тұратындығы анықталды.

«Коронавирусты жұқтыру қаупін ескермегенде, қыздар табыс табу мақсатында өз клиенттеріне қызмет көрсеткен», — дейді полиция.

Осыған ұқсас тағы бір салон сол түні Бостандық ауданында анықталды. Массаж салоны Мыңбаева көшесіндегі пәтерде орналасқан. Мұнда үш адам жұмыс істеді.

«Дүниежүзілік пандемия кезінде мұндай іспен айналысу үшін адам есуас болуы керек шығар. Бұл массаж жасаушыларға да, олардың клиенттеріне де қатысты. Тіпті дәстүрлі қызметтердің қызметкерлері де карантинді қатаң сақтайды, өйткені жұқтыру қаупі жоғары. Бұл вирус жұқтырған адамдардың статистикасын көбейтудің ең тікелей әдісі. Әрине, бұл адамдар үшін кешірім жоқ. «Массаж салонының» барлық жұмысшылары және олардың клиенттері 476-бабына сәйкес әкімшілік жауапкершілікке тартылады. Барлық жиналған материалдар департаментке жіберілді. Мұндай мекемелерді анықтау жұмыстары карантин режимі аяқталғанға дейін қарқынды түрде жалғасатын болады», — деді Алматы полиция басқармасы бастығының орынбасары Берік Әбілбеков.